BUTUAN CITY – Andam na ang kapulisan sa pagpatuman sa Oplan Ligtas Summer vacation ning rehiyon sa Caraga.
Sigon ni PMaj Jennifer Ometer, tigpamaba sa Police Refional Office 13 nga nag unang tutokan ang pagpatuman sa nagkalain laing operasyong pangseguridad dili lang dinhi sa dakbayan sa Butuan apan sa entiro rehiyon.
Sumala sa opisyal nga ipasaka ang alerto isip pagpangandam sa summer vacation ug semana santa sugod sa Marso 29.
Matapos ang Oplan Sumvac 2026 sa Mayo 31, 2026 diin saigon sa opisyal nga pakusgan ang police visibility, ug foot patrol ilabi na sa mga lugar nga modagsa ang mga biyahero ug turista, lakip na kadtong mga tourist destinations, ug simbahan.
Muabot sa 1,460 ka police personnel ang ipakatag ug andam usab ang PRO 13 mohatag sa augmentation Force pinaagi sa Regional Mobile force Battalion 13.
Gibutyag pa ni PMaj Jennifer Ometer nga sunod semana lauman na sa publiko nga dunay kapulisan sa mga istratihikong lugar diin ang ilang prayoridad mao ang kaluwasan sa publiko ingon man ang hapsay nga pagbakasyun ug andam usab ang mga pulis sa paspas nga pagrespondi partikular na sa mga emergency situation.
Gipahibalo pa sa opisyal nga dunay inspeksyon sa mga bus terminals, ug magmontar usab sa Motorist Assistance Centers sa mga nag unang kadalanan ingon man mga Police Assistance Desks sa mga simbahan, airport, pantalan, bus terminal, ug uban pang istratihikong lokasyon.
