BUTUAN CITY – Kapin sa usa ka libo ka mga empleyado sa San Roque Metals Incorporated kon SRMI nga nakabase sa Tubay, Agusan del Norte ang ma-apektuhan sa tulo ka buwang temporary suspension of work nga mulungtad sa Marso 32 ning tuiga.
Sigon ni Rodrigo Hinelza – back hoe operator sa maong kompanya, nag-meeting matud pa sila niadtong Disyembre 19 ning mi-aging tuig kondiin gipahibalo sila sa kadumalahan sa kompanya nga sa usa ka buwan, tag-kinse na adlaw na lang ang ilang trabaho sa rasong alkansi na matud pa ang kompanya tungod sa pag-ubos matud pa sa nickel.
Apan nakurat na lang sila dihang human mibalik sa trabaho niadtong Enero 3 ning tuiga, nagpatawag na usab og meeting ang ilang manager niadtong Enero 5 og gipahibalo silang tulo ka buwan silang mupa-ilalom sa temporary suspension og work.
Kini hugot nilang gibabagan sa rasong dako matud pa kining supak sa balaud ilabina nga ma-apektuhan niini ang ilang pamilya. Hugot nilang gipalagan ang daw pagbiya lang kanila sa ‘ere’ hinungdan sa kawala na nila’y klarong kakuhaan sa ilang panginabuhian.
Nabalaka usab siya sa hugon-hugon nga magdeklara og bankruptcy ang maong kompanya taliwa sa dako matud pa niining kita sa pipila ka tuig niining operasyon. (Beth Ruiz)
