BUTUAN CITY – Gipangunahan ni Police Chief Superintendent Noli Romana, Regional Director sa Police Regional Office kon PRO-13 ang oath taking ceremony ingon man donning of ranks sa 539 ka mga sakop nilang kapulisan nga gipahigayon sa PRO-13 Grandstand sa may Camp Rafael Rodriguez, sa Brgy. Libertad ning siyudad.
Sa 539 ka mga na-promote, 58 ang mga Police Commissioned Officers kon PCOs og 481 ang mga Police Non-Commissioned Officers kon PNCOs nga nadestino sa managlahing police units ning rehiyon.
Gitimbaya ni P/Chief Supt. Romana ang mga na-promote dayong pagklaro nga ang ilang promosyon wala lang magpasabot nga nadugangan ang ilang gahom apan apil na ang mas dako nga tahas nga nagkinahanglan og mas responsive career development ngadto sa pagkab-ot sa mga demands sa ams taas nga mga posisyon nga tukma sa ilang bag-ong mga ranggo.
Giklaro sa opisyal nga ang promosyon resulta sa merit system aron ilhaon ang mga PNP uniformed personnel aog mapatas-an ang morale sa pwersa sa kapulisan.
Gidasig pa niini ang bag-ong nga na-promote nga opisyal nga ipakita kaniya ang ilang tinuod nga pagkatawo tungod kay naka-ila na siya kung kinsa sila sa ilang han-ay. Kini mahimo matud pa kung sutaon una sa matag-usa ang ilang mga talento og gamiton kini sa insakto aron mas mulambo pa og magamit sa ilang propesyon gawas nga maeguro usab nga dili kini bakwion sa Ginoo.
Sa 21 ka mga PNP Special Action Force (SAF) personnel nga nagserbisyo atol sa Marawi Siege, unom ang nakadawat og spot promotion, samtang 23 ang nakadawat og special promotion og 63 ka mga National Support Unit personnel usab ang na-promote. (Beth Ruiz)
