BUTUAN CITY- Nag-atubang sa hulga nga pagbaha ang mga serye sa landslide ang kinatibuk-ang 8,436 ka barangay sa tibuok nasud tungod sa nagpadayon nga hanging habagat kansa nagdala og mga pag-uwan.
Mingsaka kini karung aldawa Aug. 15, gikan sa kanhi kapin 3,600 ka barangay kagahapon.
Sumala sa Department of Environment and Natural Resources – Mines and Geosciences Bureau kon DENR-MGB, nakabasi kini sa 72-hour rainfall forecast sa state weather bureau ug ang impact sa maong forecast sa mga flood prone ug landslide prone areas.
Region 1: 2,835
Region 2: 606
CAR: 624
NCR: 1,252
Region 3: 1,969
Region 4A: 765
Region 4B: 157
Region 5: 224
Region 6: 1
Region 13: 3
Gipahimangnuan ang mga katawhan sa flood ug landslide prone areas nga mahimong alerto sa pagsaka o pag-ubos sa lebel sa baha. Bantayan usab ang mga lugar nga duol sa mga suba, dalisdis, ug mga agihanan sa tubig o drainage canals.
Gipahinumduman usab ang mga niini nga i-report o ipahibalo gilayon ang unsa mang senyales sa paglihok sa yuta, kalit nga pagsaka sa tubig, ug baga nga lapok tungod sa tubig-baha.
