BUTUAN CITY – Muabot sa mil- 992 ka tigpayuhot ug gumagamit sa illegal nga drugas ang na-aresto sa duha ka tuig nga hugot nga anti-illegal drug operations san nagkalain-laing parte ning rehiyon sa Caraga.
Sigon ni P/ Chief Insp. Renel Serrano, Regional Information Officer sa Police Regional Office kon PRO-13 ang nasangpit nga mga suspetsado ang gibilanggo sa kapulisan human nasikop sa operasyon sukad niadtong Enero 2016 ngadto sa Disyembre 2017.
Sumala pa ni Serrano nga napasaka usab ang muabot sa mil-505 ka kaso sa nagkalain-laing korte sa rehiyon para sa paglapas sa Comprehensive Dangerous Drug Act of 2002 samtang 24 ka kaso ang na-dismiss tungod sa procedural irregularities, pakyas nga pagtambong sa hearing ug kulang sa interest sa complainant.
Sa susamang panahon usab, kinatibuk-ang 6-mil 824 punto 29 gramos nga shabu nga dunay market value nga 80-milyones 523-mil 633 pesos ug 8 sentabos ug 45-milyones 718-mil 188 pesos ug 4 sentabos nga kantidad sa marijuana ang nakumpiska.
