(picture courtesy of Rey Celeste Suravasquez)
BUTUAN CITY – Gikumpirma ni Ryan Tapayan sa Department of Social Welfare and Development kon DSWD-Caraga nga wala pa’y local government unit kon LGU sa tibook rehiyon ang nag-request og augmentation support sa ilang buhatan alang sa mga na-apektuhan sa mihapak nga bagyong Vinta.
Nagpasabot lang matud pa kini sa ka-andam sa mga LGUs sa pagkuso-kuso sa maong bagyo.
Kini bisan pa man sa natala sa Quick Response Team sa DSWD-Caraga nga miabot sa 21,633 ka indibidwal ang namakwit sa tibook rehiyon nga gilan gkuban sa 5,072 ka mga pamilya nga anaa karun sa 96 ka amga evacuation centers.
Sigon ni Tapayan, nag-andam na sila og 23,408 ka mga family foodpacks diin 9,201 niini ang naka-preposition na dungan sa pagseguro nga igo ang pa suplay sa ahensiya apan kung magkulang man, mu-request lang sila sa ilang sentrong buhatan.
Samtang duna na’y mga evacuees nga nanguli na ilabina sa lalawigan sa Surigao del Sur human gitangtang ang storm signal sa bagyong Vinta.
Gipasigarbo pa sa opisyal nga tungod sa pagpangandam sa mga lokal nga kagamhanan, ilang nakab-ot ang zero casualty sa pagkuso-kuso sa bagyo og gipakisayran na lang nila ang mga natalang damyos nnga h atud niini sa ilang lalawigan.
Samtang gipadayag usab ni Agusan del Sur-PDRRM officer Noel Barette nga 4 ka mga barangay sa lungsod sa San Francisco ang nabahaan hinungdan nga wala kini maagii kagahapon.
Usa ka balay usab ang totally damaged og laing duha ang partially damaged sa Cabadbaran City sakop sa Agusan del Norte tungod sa kusog nga hangin apan wala’y natalang casualty. (Beth Ruiz)
