BUTUAN CITY – Gibansagan karun isip pinakadelikadong coffee shop sa tibook kalibutan ang Gushi Cliff Coffee sa southeastern China tungod sa nahimutangan niini nga anaa sa kilid mismo sa usa ka pangpang nga 60 metros above sea level o bugti kini sa 20 ka andana nga dakbalay.
Sumala sa taho, dili basta-basta maadtu ang nasangpit nga coffee shop.
Kinahanglan unang magbaktas ang mga turista og 30 minutos sa usa ka ferrata trail o puthaw nga hagdanan sa pangpang ug mag-rappel paubos kauban ang usa ka instructor adiser maka-abot sa mga rectangular platforms nga nagsilbing lingkuranan.
Nagkantidad og 398 yuan o gibana-banang 3-mil 200 pesos ang usa ka tasa sa kape.
Bisan og daw mahal, gitin-aw sa tag-iya nga kauban na sa bayad ang insurance, safety equipment, serbisyo sa guide, ug walay limitasyong oras sa pagpabilin sa platform.
Gi-ablihan kini niadtong 2004 apan bag-ohay lang nag-viral sa social media tungod sa mga makalipong nga videos sa mga turistang misulay sa kahadlokan apan breathtaking nga kasinatian.
