BUTUAN CITY – Subling gipamugos ni Pangulong Rodrigo Duterte nga kinahanglang ma-undang ug mapasira na sa labing daling panahon ang operasyon sa Kabus Padatoon kon KAPA Community Ministry International Inc. tungod sa gihimo niining pagpangilad sa ilang mga miyembro o investors.
Gihimo ni Pangulong Duterte ang pamahayag sa iyang pagpanghatag og Certificate of Land Ownership award kon CLOA ngadto sa mga agrarian reform beneficiaries sa may Lagao Gymnasium sa General Santos City.
Sigon ni Pangulong Duterte, kinahanglang mapatuman gyod ang balaod ug patubagon ang mga tawong nagpaluyo sa dakong pagpangilad ngadto sa katawhan.
Iyang gidugang nga naghulat na ang impiyerno kang Apolinario tungod sa gihimong halapad nga pagpangilad og nagpa-ila pang pastor dayong butyag nga kung pustiso ang ngipon ni Apolinario, iya kining ipakaon.
Dili matud pa angayang magpa-ilad ang mga tawo sa pasalig ni Apolinario nga wala’y laing nasayran kondili mao lang ang pagpangilad.
Gipadayag pa niini nga kung tinuod pa ang operasyon sa KAPA, siya na mismo ang magtukmod sa mga tawo nga mu-apil og bisan siya mu-apil na usab apan tungod lingla lamang kini, rason nga maglagot siyang maghuna-huna ni Apoliario
