BUTUAN CITY- Gilimod ni kanhi Presidente Rodrigo Roa Duterte ang hungihong nga tabangan niini si Kingdom of Jesus Christ Leader Pastor Apollo Quiboloy nga maka lingkawas sa mga kaso ingon man sa arrest warrant nga gi atubang niini.
Sumala sa kanhi Presidente sa Pilipinas nga dili niini boot nga malambigit sa problemang legal ni Quiboloy. Sumala pa niini nga “Pastor, ikaw naman ang wanted. Huwag mo naman akong damayin dito,” .
Alayon niini, gibutyag pa ni Duterte kung asa nahimutang si Quiboloy “Gusto n’yong malaman kung saan talaga si Pastor Quiboloy? Nasa Tamayong lang siya, ‘yun yung refuge niya. Wala naman siyang ibang bahay, yung Kingdom compound. Tumawag ako kanina (April 11). Nag-usap kami. Malaking-malaki ang Tamayong and there are so many houses there. Mahirapan talaga ang authorities in finding him there because he has so many houses there. Isa-isahin nila ang mga bahay.”
Gibutyag kining tanan ni Duterte pila ka adlaw human gimando sa Pasig regional Court nga dakpon si Quiboloy ingon man ang uban niining mga kaubanan tungod sa kasong qualified human trafficking kansa walay pyansang gitangag.
Kahinumdumang daan nang gi saad ni Pastor Apollo Quiboloy, pinaagi sa audio message niini niadtung Abril 6, nga dili kini magpadakop nga buhi sa mga otoridad.
