BUTUAN CITY – Wala na gipalabay pa sa mga otoridad ang kanhi rebeldeng New People’s Army dihang misukol kini atol sa pag-serve kaniya sa duha ka mga warrants of arrest rason nga gipusil kini hinungdan sa iyang kamatayon.
Naila ang suspek nga si Manuel Maganti Gilo, 58-anyos, minyo ug nagpuyo ning siyudad ug kanhi finance officer sa Southern Mindanao Regional Committee sa NPA.
Sa eksklusibong pakighinabi sa Bombo Radyo Butuan, gibutyag ni PMajor Rennel Serrano– tigpamaba sa Police Regional Office kon PRO-13, nag-atubang ang suspek og kasong robbery ug robbery with homicide ang suspek.
Pasado alas-onse kaganinang buntag dihang gi-serve ang arrest warrant sa boarding house sa suspek sa may J Rosales St. sa Brgy. San Ignacio ning siyudad pinaagi sa hini-usang pwersa sa Criminal Investigation and Detection Group kon CIDG-Caraga, kapulisan ning siyudad ug mga sundalo, misukol kini rason nga gitiro gilayon resulta sa iyang hinanaling kamatayon.
Nasayrang usa ang namatay sa mga midagit-patay kang anhing Loreto, Agusan del Sur Mayor Dario Otaza ug anak niining si Daryl gawas nga nalambigit usab kini sa uban pang dagkong kremin nga nagapanghitabo sa mga lalawigan sa Agusan del Norte ug Sur
