BUTUAN CITY – Ipasaka na ugmang adlawa ang kasong paglapas sa RA 10591 kon Comprehensive Firearms and Ammunition Regulation Act batuk sa usa ka kanhe Sanguniang Bayan kon SB Member sa may Santiago, Agusan Del Norte.
Kini human nasikop si Kanhe Santiago SB Member Cosinas, Luis Sr. kagahapon sa alas 6:30 sa buntag sa pinuy-anan niini sa may Poblacion sa maong lungsod.
Dala sa mga personahe Criminal Investigation and Detection Group kon CIDG-Agusan Del Norte ang search warrant sa dihang gihimu ang operasyon.
Nakumpiska sa panimalay ang 2 ka .45 nga kalibre sa pistola ug mga bala nga gihuptan sa kanhe SB Member ug iyang personal bodyguard. Gironda usab ang manokan niini ug nakuha ang mga bala sa samang armas.
Tungod kay nasutang walay tukmang dokumento ang nasangpit nga mga armas, gidala kini ngado sa Crime Laboratory aron masuta kung nagamit ba kini sa mga kremin dinhe sa Caraga ug mahibal-an ang tinood nga nanag-iya niini.
Gikustudiya na karun sa CIDG ang suspetsado nga nasutang midagan pagka-besi mayor sa maong lungsod sa nakalabay nga piniliay apan wala kini gipalad nga modaug og duna pay planong modagan pagka mayor sa musunod nga bugnong lugaynon.
Sa pakighinabi ning sibyahan kang P/ Supt. Julie Caduyac sa CIDG, giklaro niining anaa sa Top Priority sa buhatan ang nasangpit nga suspetsado.
