BUTUAN CITY – Gipaniguro ni House Secretary General Reginald Velasco nga andam na ang Kamara alang sa ikatulong State of the Nation Address (SONA) ni Pangulong Ferdinand Marcos Jr.
Sa gihimong SONA inter-agency meeting sa Palasyo sa Malakanyang, gipadayag ni Velasco ang gihimong mga renovations sa Kamara aron ma-accomodate ang mga partners gikan sa Office of the President (OP) ug sa Senado.
Nagpasalamat usab si Senate Secretary Renato Bantug sa House of Representatives sa ilang mga pagpangandam alang sa maong event.
Gipa-adam na usab ni Presidential Communications Office (PCO) Undersecretary Honey Rose Mercado ang Metro Manila Development Authority (MMDA) sa traffic rerouting plan aron mahatagan na og advisory ang publiko sa ingon makapangandam sa himuong adjustments sa mismong adlaw sa SONA.
Sigon sa Philippine National Police (PNP), mukabat sa 22,000 ka mga police personnel ang ilang i-deploy sa nagkada-iyang bahin sa Metro Manila.
Naghimo na usab og initial walk-through alang sa SONA scenario gikan sa pag-abot ni Pangulong Ferdinand Marcos Jr hangtud sa iyang pagpamulong. Himuon sa July 15, 2024 ang final meeting alang sa pagpangandam sa SONA 2024.
