BUTUAN CITY – Walay laing pag-ampo karon ang mga Muslim kundi ang kalinaw sa tibuok kalibutan ,subay na sa pagsaulog nila sa Eid’l Fitr karong adlawa.
Sa pakighinabi sa Bombo Radyo Butuan, gipadayag ni Sultanate of Caraga Gamal Amerol nga dungan sa ilang centralize nga pagsaulog sa Eid’l Fitr ang pag-ampo usab nila kang Allah nga unta mahuman na ang kasamtangang krisis sa tibuok kalibutan nga hantod sa COVID-19 pandemic ingon man ma-angkon na ang pang-hangtod sa hangtod nga kalinaw subay na sa kagubot nga nahitabo karon sa Israel ug kasibikit nga lugar.
Sigon niini nag-hiusa silang mga Muslim sa pangandoy nga muabot ra ang panahon nga mabalik na sa normal ang kinabuhi sa mga tao sa tibuok kalibutan nga nabag-o tungod sa COVID-19.
Dungan usab niini ang panghinaot nga matapos na ang mga pinatyanay ,giyera ug ubang pang kagubot nga nahitabo karon sa ubang nasud sa kalibutan ingon man ang bangi tali sa Muslim ug mga Kristiyano.
Samtang mas mingaw ang pag-obserba sa mga Muslim brothers karong tuiga sa Eid’l Fitr kumpara sa mi-aging mga tuig ug kini tungod sa padayong nagtunhay nga COVID-19 pandemic.
Sa eksklusibong pakighinabi sa Bombo Radyo Butuan, gipadayag ni Atty. Faisal Mamintal, legal officer sa National Commission on Muslim Filipinos kon NCMF-Caraga nga kaniadto puno-puno ang ilang mga moske tungod kay bisan ang mga bata, mu-apil man sa ilang himuong pag-ampo sa buntag ug gabii.
Karon, mingaw ang ilang mga moske tungod kay limitado ra man sa 30-porsiento sa total capacity ang pasudlon rason nga mas daghan ang diha na lang mag-ampo sa ilang mga balay.
