BUTUAN CITY – Isyu karon sa mga atletang Pinoy nga apil sa Paris Olympics 2024 ang kakulang sa ilang pagkaon, rason nga nangayo sila og donasyon ngadto sa mga Pilipino nga atua ra usab sa Paris.
Sumala ni Bombo Genelyn Chanjueco Zeid, ang Bombo International Correspondent sa Paris, France, duna usay uban nga mga atleta nga wala ning-angay sa mga pagkaon nga gidalit kanila sa Paris.
Ang nakalisod kay dili basta-bastang makagawas sa Olympics Village ang mga delegado aron mupalit og pagkaon rason nga dakong tabang na alang kanila ang ihatud nga pagkaon sa mga kababayang nagtrabaho ug dito na pagpuyo sa Paris.
Ang post matud pa sa yangungo sa mga atleta maoy nag-trending sa Paris rason nga duna’y mga nagkwestyon kung asa diay ang ilang budget sa pagkaon.
Aduna usab matud pay mga ningtunol og pagkaon ngadto sa mga atletang Pinoy nga taga Philippine Embassy to France, diin personal pa kining gihatod kanila ngadto sa Olympic Village.
Dako gihapon ang pasalamat sa mga Pilipinong nagpuyo sa Paris ngadto sa mga Pinoy Athletes tungod kay saksi matud pa sila nga sa pag-abot pa lang nila sa Paris, dili na kabayran ang mga trainings nga ilang na-agihan.
Ang maong isyu gawas pa sa kadismaya ni Pinay golfer Dottie Ardina mahitungod sa kakulang og uniform nilang mga golfer nga nagrepresenta sa Pilipinas.
Makita sa iyang gi-post nga video nga migamit siya og double-sided tape pagpilit sa bandila sa Pilipinas aron masiguro nga mupilit usab kini sa iyang t-shirt tungod kay wala’y uniform nga gihatag kanilang duha ka mga golfers.
