BUTUAN CITY – Gi-imbita sa probinsiyal nga kagamhanan sa Agusan del Sur ang tanang Agusanon sa pag-apil sa Naliyagan Festival Jingle Making Contest.
Sigon ni Provincial Tourism Officer Christy Basan, ang lyrics sa Jingle kinahanglang Cebuano-Bisaya ug dunay kalambigitan sa temang “Agusan del Sur through the years: Changing Lives, Preserving Culture.
Abli ang maong pasundayag sa tanang Agusanon nga dunay kahanas sa komposisyon sa kanta. Gidasig usab ang tanang lokal nga kagamhanan nga agnihon ang ilang katawgan sa pagsubmite sa ilang entries diin karung Abril 4 ning tuig ang katapusang petsa sa pagdawat.
Isubmite kini pinaagi sa mp3 format nga dunay titulo sa jing le isip file name, I-send sa flash drive o DVD/Optical Disc inubanan sa nakumpleton g entry form; printed Jingle lyric (lima ka kopya); profile sa composer/s ug arranger/s uban ang Certificate of Residency.
Ang 1st prize winner makadawart ug 30-mil pesos, 2nd prize 22-mil pesos; 3rd prize – 15-mil pesos samtang ang pito ka consolation prizes nagkantidad ug tag-2-mil pesos nga madawat usab sa wala midaug nga entry.
Gibutyag pa ni Basan nga ang jingle nga makakuha sa unang puwesto, opisyal unya nga panag-iyahan sa probinsiyal nga kagamhanan ug gamiton isip Jingle track sa Naliyagan Festival celebration karung Hunyo 2017.
Samtang ang top three winning entries, magperform sa adlaw sa selebrasyon sa 25th Naliyagan Festival sa Datu Lipus Cultural Center-Main Stage o ang kanheng Naliyagan Cultural Center Stage.
Ang Naliyagan Festival Jingle Making Contest ang kabahin sa aktibidad alang sa 50th Founding Anniversary sa Agusan del Sur ug 25th Naliyagan Festival.
