BUTUAN CITY – Nalantaw nang daan ni Professor Gerry Caño, presidente sa Professional Criminologists Association of the Philippines kon PCAP, ang deadlock sa panagsabot sa Amerika ug Iran alang sa gitinguhang kalinaw sa Middle East human ang unom ka semanang giyera.
Sa eksklusibong pakighinabi sa Bombo Radyo Butuan, gipadayag sa propesor nga kini tungod kay klaro nga one-sided ang demand sa Estados Unidos nga pabor kaayo sa mga negosyante ug kapitalistang atua sa Amerika.
Ang peace proposal matud pa sa US klarong alang lang sa ilang pagdomina ug pagpadayon sa pagkontrola sa trade behavior sa Middle East. Kini ilabina nga nag-unang demand sa Amerika mao nga musugot ang Iran nga dili na mag-enrich og uranium nga maoy gikinahanglan alang sa pagmugna og armas nukleyar nga gikahadlukan sa Amerika nga gamiton sa Iran sa pagpanghadlok sa ubang nasud.
Nalantawan ni Caño nga ang sanction nga ipatuman unya sa Amerika, dili lang ang paghatag og free navigation sa oil trading sa Middle East kondili ang pagkontrola ilawom sa ilang guidelines, sa paglawig sa mga oil tankers base sa lagda sa Amerika.
Makita matud pa kini sa presensya sa military might sa Amerika sa tunga-tungang sidlakan kansa timaan nga maghatag kini og proteksyon sa Amerika ug sa mga ka-alyado niining nasud ug dili sa tibuok kalibutan.
