BUTUAN CITY – Gibutyag sa kadumalahan sa Commission on Elections kon COMELEC-Caraga nga ire-activate na nila ang mga joint security voter centers sugod sa rehiyon hangtod sa matag munisipalidad subay na sa nagkaduol nga piniliay sa Mayo.
Sumala ni Atty. Francisco Pobe – regional director sa COMELEC Caraga, mupahigayon sila og command conference aron mahi-usa ang preparasyon sa umaabot nga synchronized Barangay ug SK elections apil na ang pag-secure sa seguridad sa usa ka hilit nga lugar.
Giklaro usab ni Atty. Pobe nga taliwa sa hunahuna sa uban nga makapugong ang martial law sa piniliay apan alang sa COMELEC, makatabang himuon matud pa kini sa Mindanao aron mapugngan nga makagawas ang mga teroristang nagdala’g kagubot.
Ikaduha anaa matod pa kita demokratikong nasud busa ang gipatumang balaod militar makatabang aron mapabiling malinawon ug magmalampuson ang umaabot nga piniliay.
Panawagan ni Atty. Pobe nga usbon ang mentalidad sa mga botante aron mabugto na ang pagpangilad busa kinahanglan nga mobarug ug dili ibaligya ang dignidad ingon man ang buto ngadto sa dili maayong kandidato. (Mon Aplaya)
