BUTUAN CITY- Mingbahad ang Israel nga andam niining ibalik ang Iran sa “dark ages,” samtang minggrabe ang tensyon tali sa duha ka nasud.
Kini ang nahimong pamahayag ni Israeli Defense Minister Israel Katz, kung asa andam matud pa ang ilang militar nga sugdan na usab ang opensiba batok sa Iran.
Sigon usab ni Katz nga “The targets are marked” ug gihuwatan nalang nila ang pagtugot sa U.S. aron ipadayon ang operasyon.
Dugang pa sa Israeli official, tumong nila nga hingpit nang mapukan ang liderato sa dinastiya ni Khamenei.
Samtang, gilaomang magmeeting si Israeli Prime Minister Benjamin Netanyahu kauban ang mga tag-as nga opisyal sa seguridad aron hisgutan ang sitwasyon sa Israel ug Lebanon.
Padayon usab nga minggrabe ang panagbangi tali sa Estados Unidos ug Iran. lakip sa natigayon ang pag-ilog sa US sa mga barkong adunay karga nga lana gikan sa Iran, dugan sa pagsira na usa sa Iran sa Strait of Hormuz
Taliwa sa unang pag-atake sa Israel nga gikapatay usab sa pipila ka tag-as nga opisyal sa Iran, nagpabiling lig-on ang panggamhanan sa nasud. Bisan paman, mipasidaan si Katz nga ang sunod nga pag-atake mahimong mas bayolente ug moresulta sa grabe nga kadaot.
