-- ADVERTISEMENT --
BUTUAN CITY – Nasakpan sa mga pulis ang usa ka iring nga nagdala og mga ginadiling droga paingon sa prisohan sa Pococí, Costa Rica. Sumala sa Ministry of Justice sa maong nasod, usa ka opisyal sa Pococí Penitentiary ang nakamatikod sa iring sulod sa green zone sa prisohan ug dayon gipahibalo sa mga otoridad niadtong Mayo 6.
Makita sa usa ka video nga gipost sa Facebook page sa ministeryo ang mga pakete nga gitapot sa lawas sa iring ug giputol gamit ang gunting.
Matod sa mga otoridad, ang iring nagdala og 235.65 gramos nga marijuana ug 67.76 gramos nga heroin.
