BUTUAN CITY – Gimanduan karon sa Qatar ang mga Iranian security ug military attaches pagbiya sa maong nasud human mimugna og dakong damyos ang ang mga Iranian missiles ngadto sa ilang main gas facility sa Ras Laffan.
Ang Ras Laffan Industrial City, usa sa pinakadakong LNG (liquefied natural gas) hubs sa kalibutan.
Samtang ang United Arab Emirates usab nagsira sa ilang Habshan gas facilities sa Abu Dhabi human ang Iranian attack, samtang gipadayag sa Saudi Arabia nga duha sa ilang mga refineries ang apil sa gi-atake sa Iran rason nga gipadayag sa Riyadh nga gamay’ng pagsalig na lang ang ilang nabilin alang sa maong nasud.
Kini nga development natigayon human gi-atake sa Israel ang navy sa Iran sa northern Bandar Anzali ug ang South Pars gasfield.
Dinhi na nagbahad si Iranian President Masoud Pezeshkian nga duna’y ‘uncontrollable consequences’ nga matilawan sa entiro gulpo ug sa tibuok kalibutan.
Ang retaliatory attack sa Iran ngadto sa Israel, mikalas na og upat ka mga tawo sa Tel Aviv ug sa gi-ukupa nilang West Bank.
