BUTUAN CITY – Nagpalupad na og ballistic missiles ug naglusad na usab og drone strikes padulong sa Israel ang Iran, isip balos human ang dungan nga pag-atake sa Israel ug Estados Unidos batok kanila kansa gikonsiderang usa sa pinakadako nga pag-ulbo sa kagubot sa Middle East sa nakalabay nga mga tuig.
Daling nagpatingog og sirena ang Israel ug gipahikling ang mga residente sa mga safe rooms kondiin ang dali nga pagbalos sa Iran sa operasyong gitawag nga Roaring Lion ug Shield of Judah, kansa nagpakita nga posible nga molapad pa kini ngadto sa mas dakong gubat nga makaapekto sa tibuok rehiyon ug pangkalibutanong ekonomiya.
Apil sa mga siyudad sa Iran nga gi-atake sa Israel ug Estados Unidos mao ang capital Tehran, Qom, Isfahan, Kermanshah ug Karaj.
Sigon sa Iranian media, gi-target ang mga opisina sa ilang gobyerno, lakip na ang buhatan ni spiritual leader Ayatollah Ali-Khamenei kinsa nakahikling na matud pa sa luwas nga dapit.
Sigon ni US President Donald Trump, nagdeklara sila og major combat operations batok sa Iran, aron pahagbaon ang kasamtangang rehimen ug pugngan ang ilang nuclear program.
Aduna usa’y mga report sa pagpambomba sa Abu Dhabi ug pag-atake sa US Navy’s 5th Fleet headquarters sa Bahrain, nga nagpakita nga nagkalapad na ang tensyon sa rehiyon.
