BUTUAN CITY – Gi-anunsyo ni United States Presidente Donald Trump nga magpadala ang Iran og 20 ka mga oil tankers nga mu-agi sa Strait of Hormuz isip usa ka goodwill gesture, sugod ugmang adlawa Martes, Marso 31, oras sa Pilipinas.
Kini nagsunod sa mas sayo nga mga reports nga ang Iran nagtugot sa 10 ka tankers nga muagi isip regalo ngadto sa Estados Unidos taliwala sa nagpadayon nga negosasyon
Gihulagway ni Trump ang lihok isip timaan sa pagtahod ug goodwill gesture samtang nagpadayon ang diskusyon sa duha ka nasud, taliwa sa una nang gibarugan sa Iran nga wala matud pa’y natigayong direkta nga pakig-istorya sa Washington.
Dugang ni Trump, ang pag-agi sa mga tankers sa Strait of Hormuz, mahimong magpalig-on sa iyang naratibo nga adunay progreso sa negosasyon ug magpamenos sa tensyon sa Middle East.
