BUTUAN CITY – Gibatikos sa Iran ang peace proposal sa United States aron tapuson ang giyera sa Middle East, ug gitawag kini nga “dili realistiko, dili lohikal, ug sobra ra.”
Dungan niini, naglusad ang Iran og bag-ong missile strikes batok sa Israel.
Misamot pa ang tensyon sa dihang nisalmot sa panagbangi ang Houthi rebels gikan sa Yemen ug ang Hezbollah sa Lebanon, nga pareho mihimo og mga pag-atake batok sa Israel.
Isip tubag, gipahibalo sa militar sa Israel nga nagpahigayon sila og airstrikes batok sa mga target nga military infrastructure sa Tehran ug Beirut.
Tungod sa nagpadayon nga kagubot, misaka na usab ang presyo sa lana sa tibuok kalibutan, nga nagdugang sa kabalaka bahin sa suplay sa enerhiya.
Nagpasidaan usab si US President Donald Trump sa Iran nga ipadayon nga ablihan ang Strait of Hormuz, usa ka importante nga agianan sa oil ug gas shipments o bakaha mahimo nilang atubangon ang posibleng pag-atake sa US sa ilang mga energy facilities.
