BUTUAN CITY – Nagbahad si Iran Parliament Speaker Mohammad Bagher Ghalibaf human mibalik sa Iran gikan sa Pakistan kondiin siya maoy nangulo sa negosasyon sa peace talk tali sa Iran ug Estados Unidos, nga walay epekto kanila ang hulga sa Amerika ngadto sa mga Iranians ug dili sila mosurender tungod lang sa hulga.
Iyang gisulti nga andam ang Iran nga motubag sa bisan unsang bahad sa Amerika sa bisan unsang paagi.
Dugang pa niya, dili magpa-ilalom ang Iran sa bisan unsang matang sa hulga ug kung sulayan pag-usab ang ilang determinasyon, mas dako pa nga leksyon nga ilang itudlo kanila.
Gihisgutan usab ni Ghalibaf nga sukad pa sa sinugdanan sa negosasyon, wala na musalig ang Tehran sa Estados Unidos ug kinahanglan kini nga pagtrabahuan sa Amerika tungod sa mga naha-unang pag-atake sa Iran samtang nagpadayon ang negosasyon.
