BUTUAN CITY – Gila-uman sa Bangko Sentral ng Pilipinas (BSP) nga magpabilin tali sa 2.3% hangtud 3.1% ang inflation rate alang ning buwan sa Pebrero.
Sigon sa BSP, posibleng magpataas sa presyo ang mas mahal nga bugas ug isda, taas nga presyo sa produktong petrolyo sulod sa nasud ug pagtaas sa singil sa kuryente.
Bisan pa man, gila-umang makuhaan ang epekto niini sa pag-ubos sa presyo sa gulay, prutas, ug karne, apil na ang pag-appreciate sa balor piso kontra dolyar.
Sigon sa BSP, padayon nilang gibantayan ang mga kasikas sa sulod ug gawas sa nasud aron masiguro nga ang ilang mga polisiya, pabiling ha-um sa tumong sa price stability nga makatabang sa sustainable growth ug employment.
Niadtong Enero ning tuiga, natala ang inflation sa 2.9% kansa mas ubos kumpara sa 3.4% niadtong Disyembre 2025, kansa mugna sa pagkunhod sa presyo sa pipila ka mga agricultural products
