BUTUAN CITY – Nagpagawas og tsunami alert ang Indonesian authorities human ang sunod-sunod na pagbuto sa bulkang Ruang sa North Sulawesi nga mimugna og bagang aso hinungdan nga gihikling ang halos usa ka libo ka mga residente.
Ang Mount Ruang nga usa ka strato-volcano, unang mibuto pasado alas-9:45 ning mi-aging Martes sa gabii ug gisundan sa upat ka pagbuto kagahapon.
Sigon sa Indonesia’s volcanology agency, posibleng mag-collapse ang pipila ka parte sa bulkan ug mahulog sa dagat nga mumugna unya og tsunami, tungod kay ingon niini ang nahitabong scenario niadtong tuig 1871.
Nabutang karon sa delikadong sitwasyon ang Tagulandang island, rason nga gipahikling ang mga residente apan wala’y gikatahong na-angol o kaha namatay sa maong insidente.
