BUTUAN CITY- Gibutyag ni Department of the Interior and Local Government kon DILG Secretary Jonvic Remulla nga gisuwayan matud pa sa usa ka kontraktor ug usa ka kongresista kansa usa usab ka kontraktor o gi-ilang “cong-tractor” nga suholan kini ug ang iyang ig-suon nga si Ombudsman Jesus Crispin Remulla og P2 billion taliwala sa imbestigasyon sa anomalosong flood control projects.
Sumala ni Sec. Remulla, nga gipaagi matud pa ang pagsuhol kanila sa emissaries sa kontraktor ug sa ming-ingkod nga Cong-tractor, ang usa ka grupo matud pa sa Visayas-Mindanao group samtang ang usa usab sa Luzon group.
Daw gihangyo sa mga niini nga tabangan sila sila sa ilang kaso, matangtang sa listahan ug hatagag higayon nga makapiyansa.
Giklaro usab sa Secretary, nga wala nila gilayon gidakop ang mga niini taliwa sa ilang mga pagsuway nga suholan ang mga opisyal tungod dali lang matud pa nila mailhan ang mingsulay kanila ug gi-ingong “hearsay” lang matud pa ang mga niini tungod wala direktang gitanyag ang maong suhol.
Wala usab matud pa ming-reach out ang Secretary sa maong kongresista ug kontraktor human ang maong insidente tungod dili niya personal nga kaila ang mga niini ug giingon nga kini gawas sa iyang mga katungdanan isip DILG Secretary.
Samtang, dihang napangutana ang reaksiyon ni Ombudsman Remulla kalabot sa tanyag nga suhol, nagkatawa nalang matud pa ang opisyal diin ingun ingana na lang matud pa ang ilang panan-aw sa mag-isgsuon.
