BUTUAN CITY – Direktang gitawag sa usa ka legal expert nga si Atty. James Reserva ang International Criminal Court kon ICC nga kangaroo court.
Reaksiyon kini sa abogado human sa gihimong confirmation of charges hearing ni Kanhe Pangulong Rodrigo Duterte sa giatubang niining crimes against humanity didto sa Tha Hague, Netherlands.
Sigon ni Atty. Reserva nga kung tinood nga alang sa hustisya og kaangayan ang ICC, dili na unta muabot sa punto nga magtinggol siya sa prisuhan.
Kini ilabina kay sa pagpresentar sa proesecution sa kasong gi-atubang sa Kanhe Pangulong Duterte, klaro kaayu nga walay pundasyon sa ebidensiya diin ang maong pasangil nagsumikad lang sa mga pamahayag ni Duterte diin namili lang sila og portion niini aron ma-justify ang ilang teyorya nga nagsugo gayud og pagpamatay si Duterte.
Sumala pa ni Atty. James nga klaro man kaayu ang kinatibuk-ang mensahe ni Duterte ngadto sa mga pulis nga buhaton ang ilang trabaho og panalipdan sila sa pangulo dayung bahad nga kung mag-abuso, duna pud silay kabutangan.
Pasabot pa sa abogado nga ang crimes against humanity, sistematiko og halapad nga pagpamatay nga target ang mga sibilyan og kamatooran niini daghang mga pulis ang namatay nga nalambigit pud sa drogas. Samtang ag ihap sa mga napatay dili usab kwalipikado sa alegasyon.
Apan ang sakit kay gi-turn-over si Duterte ngadto sa ICC tungod sa politika nga tinguha. Sumala pa niini nga dili kini judicial trial kundi political trial diin ang ICC nakig-tigi usab sa ilang survival aron ipakita nga nagtunhay pa sila.
Tungod sa klaro nga tumong kaayu sa nahimong dagan sa kaso ni Pangulong Rodrigo Duterte, gi-angkon ni Atty. Reserva nga sakit kaayu pamalandongon ang dakong posibilidad nga magpadayon ang pagtaral ngadto kaniya.
Ang gipanghinaot nalang sa abogado nga walay daotang mahitabo ni Duterte hangtud sa tuig 2028.
Kini tungod kay kung ugaling mahitabo nga mabalik si Duterte sa Pilipinas nga abo na lamang segurado ang halapd og kadako sa kalagot og sentimento sa katawan niini.
Kini nga senaryo gipanghinaot sa abogado nga bantayan sa kasamtangang administrasyon ilabina kay walay laing mabasol sa katawhan kundi si Pangulong Ferdinand Marcos jr.
