BUTUAN CITY – Nagbahad ang usa ka tigbalita sa Davao City nga mupasaka og patong-patong kaso sama sa cyberlibel ug copyright infringement batok sa usa ka prosecutor sa International Criminal Court (ICC) kung dili kini magpagawas og public apology.
Sa iyang giduso nga affidavit of denial kaganina, gisaway ni Ben Jason Tesiorna ang pagpresenta ni ICC Prosecutor Julian Nicholls sa usa ka CCTV video atol sa Confirmation of Charges batok kang kanhi Pangulong Rodrigo Duterte.
Gipamugos ni Tesiorna nga siya ang nakakuha sa maong video niadtong Disyembre 19, 2013, sa usa ka media showcase sa Central 911 sa Davao City, ug wala siya naghatag og pagtugot nga ipagawas kini.
Gipasanginlan sa mamamahayag si Nicholls og misrepresentation ug illegal tampering tungod kay gibutangan kini og English subtitles aron ipakita nga konektado kini sa extra-judicial killing (EJK).
Giklaro ni Tesiorna nga ang gipakita nga insidente sa CCTV playback lamang sa usa ka krimen nga nahitabo kaniadto ug dili real-time, rason nga walay opisyal nga mitubag sa tan-awon.
Gimanduan usab niya ang ICC Pre-Trial Chamber I nga manduan ang ICC Prosecutor nga magpagawas og public apology tungod sa gika-ingong misrepresentation ug kuhaon ang maong video gikan sa court registry o records.
Gihatagan ni Tesiorna ang ICC prosecutor hangtod Biyernes, Pebrero 27 aron magpagawas og Public Apology sa dili pa niya ipadayon ang mga reklamo.
