BUTUAN CITY- Gibutyag ni International Criminal Court kon ICC Senior Trial Lawyer Julian Nicholls nga adunay mga kauban si kanhi President Rodrigo Duterte sa gi-ingong mga pagpatay sa Davao City, lakip na sila Senador Ronald “Bato” Dela Rosa ug Senador Christopher Lawrence “Bong” Go.
Gipresentar sa prosekusyon nga si Dela Rosa nagsilbi isip hepe sa Davao City Police samtang si Go mao ang aide ug espesyal nga konsultant ni Duterte, uban pa nila Vicente Danao, Dante Gierran ug Vitaliano Aguirre II. Sumala pa niini, nga si Duterte nagmugna og “death squads” kansa gihulagway nga pyramid-like structure diin siya ang anaa sa ibabaw ug ang mga miyembro sa ubos nga nagpatuman sa mga pagpatay.
Apan hugot usab nga gilimod sa abogado ni Duterte nga si Atty. Nicholas Kaufman ang mga akusasyon og gi-ingong ang mga pamahayag sa kanhi presidente kani-adto nagpakita og ebidensya nga nag-awhag lamang sa paggamit sa kusog o self-defense.
