BUTUAN CITY – Hustisya ang singgit sa pamilya Omisol human nga gipusil-patay sa mga rebeldeng New People’s Army kon NPA si Police Executive Master Sergeant Jimmer Omisol didto sa Brgy.Tagcatong, Carmen, Agusan del Norte.
Sa pakighinabi sa Bombo Radyo Butuan, emosyunal nga gisaysay ni Bombo Jerrymar Omisol – igsuon sa biktima kung unsa ka ligdong ang iyang igsoon sa iyang pagpanerbisyo sa katawhan dayong panghimakak sa pasangil nga gibato sa New People’s Army kon NPA ngadto niini.
Sigon ni Bombo Jerrymar, ang pagdasok sa mga tawo diha sa iyang haya gikan sa nagkada-iyang hut-ong sa katilingban, ang makamapatuod kung unsa ka-maayong tawo ang iyang manghod.
Gikwestyon pa niini ang proseso sa walhong grupo paghukom og kamatayon sa mga tawong gisumbong ngadto kanila ilabina kung ila bang gisusi ang personal background niini sama sa kadaghan sa mga tawong iyang natabangan.
Dugang pa ni Omisol, wala’y kamatu-uran ang gipasangil sa NPA ngadto sa iyang igsoon sama sa pagpananom matud pa niini og droga panahon sa drug operations, apil na ang pagtanom og armas ug ang pagpa-inom ug ihi ngadto sa madakpan nilang mga dautang tawo.
Kini tungod kay bisan matud pa sa pagkusi, dili kayang mabuhat sa iyang igsoon ngadto ni bisan kinsa og gani kini pa ang mubadlong higayong duna’y makitang tawo nga muyatak sa iyang isig katawo.
Ang paghagudhod matud pa sa katawhan sa Carmen ngadto sa iyang haya ang makapamatuod kung unsa kasuhito ang taga-Carmen sa kung unsa ka maayo ang iyang igsuon kinsa brutal nga gipatay lang tungod sa walay klarong pasangil sa NPA.
Nasayran nga nakahiagom ug 10 ka samad pinusilan ang lawas ni PEMS Omisol human kini misukol dihang gisulayan pagdagit kansa dili nila madawat og kinahanglang tubagon sa NPA.
