Hulagway sa mga sundalong mi-rescue sa mga apektado sa Bagyong Basyang, mi-ani ug positibong reaksiyun
BOMBO BUTUAN – Mi-ane ug positibong reaksiyun ang migawas sa social media nga hulagway sa pag-rescue sa kasundaluhan sa mga apektado sa Bagyong Basyang didto sa Carrascal, Surigao Del Sur.
Makita sa maong hulagway ang mga sundalo sa 36th Infantry Battalion, Philippine Army diin giluwas ang 5-month old nga bata nga gibutang sa palanggana sa Brgy Luna, Surigao City. Lakip usab sa nakuhaan ug hulagway ang pagluwas nila Private First Class Pendatun Tagbe ug Private Adrian Hapin sa 88-anyos nga lola nga si Epifania Iligan sa Brgy Pautao, Bacuag, Surigao del Norte.
Sumala pa ni Capt. Garillo sa 36th Infantry battalion nga kanunay’ng andam ang kasundaluhan sa pagtabang sa mga nanginahanglan dili lang pinaagi sa paghawid ug armas.
Dugang pa sa opisyal nga lakip sa ilang mandatu ang pagtabang sa mga nanginahanglan ilabina sa panahon sa kalamidad.
Apan gipamugos niini nga dako gihapon ug tabang ang mga sibilyan ug uban pang ahensiya sa ilang pag-recue.
Kini dungan sa iyang pagpasalamat sa tanang misalig ug mitabang sa kasundaluhan.
Gi-awhag nalang niini ang tanan nga dili magpanuko sa pagtawag sa tropa sa kagamhanan ugaling manginahanglan kini ug tabang og dayung awhag nga kinahanglang maghiusa ang tanan ilabina sa panahon sa kalamidad.
