BUTUAN CITY – Gipaneguro sa lokal nga kagamhanan sa Cabadbaran City, Agusan Del Norte nga malatag ang hugot nga seguridad dungan sa kapistahan sa ilang patron saint nga si Nuestra Señora de Candelaria karung adlawa.
Sigon ni Jelie Madronial – tigpamaba sa Cabadbaran City government, mismong si Mayor Katrina Marie Mortola ang nanguna sa pagseguro sa seguridad diin personal niining gisusi ang mga lugar nga mahitaboan sa mga kalihukan sama nalang sa Rizal Park diin gipahigayon usab kagabii ang party Cabadbaranon.
Gipaneguro pa sa mayor nga dunay presensiya sa pulis sa matag lugar.
Samtang gipahiluna na usab ang mga vendors sa New Market aron dili ma-crowded ilabina ang mga agi-an sa Dagkot Festival.
Ang street dancing competition dunay 4 ka mga contingent nga gikan sa nagkalain-laing tunghaan.
Giklaro pa ni Madronal nga na-anad na ang taga Cabadbaran sa ulanon nga pista hinungdang dili na kini big deal kanila samtang ang kagamhanan nagplastar na ug daghang tent. (Rolan Janea)
