BUTUAN CITY – Posibling mosampot sa panagbulag human gi-golgol ang lig-og sa bana sa iya mismong asawa alas 8:00 kagabii sa ilang panimalay sa Purok- 8 Barangay Anahawan, Carmen, probinsiya sa Agusan Del Norte.
Sumala sa biktimang si Experegion Tapere-55-anyos nga nalandig karun sa balay-tambalanan, niuli siya kagabi-i sa ilang balay nga naka-inum sa ilimnong makahubog.
Gigutom matud pa ang bana hinungdang nangayu ug pagkaon sa asawang si Julieta.
Apan bahaw ang nahatag sa asawa hinungdan sa ilang panaglalis hangtud nga mikuha ang iyang asawa ug sundang ug sa walay pagduha-duha, iya gigolgol ang li-og sa biktima.
Maayu nalang gane kay daling nakaresponde ang mga silingan hinungdang nadala gelayon siya sa Agusan Del Norte Provincial Hospital.
Nasayrang kanunay nalang nga mooli nga naka-inum ang biktima hinungdan sa kasuko sa asawa.
Samtang mipalag usab ang bana tungod kay sa panahon matud pa nga sila magka-lalis, mukuha gelayon ug hinanggiban ang iyang bana.
