BUTUAN CITY- Andam ang House prosecution panel ugaling imando sa depensa nga magpresenta una sa ilang ebidensiya alang sa threat articles sa impeachment trial ni Vice President Sara Duterte.
Sumala ni House prosecutor Rep. Terry Ridon, adunay nadawat silang impormasyon nga gikonsidera sa Senate impeachment court nga pa-unahon ang depensa nga i-presenta ang ilang ebidensiya sa ika-upat nga artikulo inay huwaton ang prosekusyon nga humanon ang pagpresenta sa tanang nilang impeachment articles.
Taliwa usab sa posibleng pag-utro sa order of proceedings, sigon ni Ridon nga mosunod ang prosekusyon sa mahimong desisyon sa korte ug walay kagubot.
Sa kasamtangan na kompleto na sa prosekusyon ang presentasyon sa ilang ebidensiya sa ika-upat nga artikulo human sa pagtestigo ni National Bureau of Investigation (NBI) Director Melvin Matibag.
Samtang, andam usab ang prosekusyon sa paghisgot sa sunod nga artikulo may kalabotan sa daw misuse sa confidential funds ni VP Sara.
