BUTUAN CITY – Gitin-aw ni Representative Gerville Luistro, Chairman sa House Committee on Justice ang mahimong papel sa legal counsel ni Vice President Sara Duterte ugaling moatubang kini sa pagdungog sa komite.
Sigon ni Representative Luistro limitado lang ang katungdanan sa mga abogado sa besi presidente sa paghatag og legal assistance, pagsubmite sa memorandum og uban pang dokumento.
Mamahimo usab silang magsugot og pangutana apan eprayoridad nga ipaagi sa chairman sa komitiba.
Gipasabot sa magbabalaod nga kung tugutan ang direktang pangutana sa kampo sa besi presidente og lakip sa na complainant makonsidera kini nga promal nga pagtaral.
Tungod kay sa kasamtangan nga pagdungog ang mga miyembro lang sa justice committee ang mangutana isip kabahin sa pagtumbok sa probable cause.
Bisan paman niini aron maseguro ang due process, gitugutan na usab ang parehong panig nga magpropose og mga pangutana basta moagi sa presiding offices.
Samtang gipamugos usab ni Representative Luistro nga suportado sa taga Batangas ang impeachment process batuk kay Vice President Sara Duterte.
Sumala pa niini nga nakita niya ang pagsuporta sa iyang mga kababayan sa gihimong proseso batuk sa mga reklamo batuk sa besi presidente.
Suportado usab kini ni Repesentative Terry Ridon nga nagbutyag sa pagsalig nga ang suporta tungod sa tinguha nga matubag ang mga isyu lakip na sa confidential funds.
Kini taliwa sa batikos kung nakunsulta ba sa JUstice Members ang ilang mga konstituwente ang pagduso sa impeachment complaint.
