BUTUAN CITY – Patay ang usa ka notorious New People’s Army gunman sa Agusan del Sur human nakigbinayloay ug bala sa tropa sa gobyerno niadtong huwebes sa gabii.
Dead on arrival sa ospital si Joeboy Mantipala alias Bernabe, 28 anyos, human nakigpinusilay kauban ang iyang ka-ubanang rebeldeng NPA batuk sa kasundalohan ug kapulisan nga nagpahigayon ug operasyon sa Barangay Marbon lungsod sa Talacogon.
Narekober sa nahitaboan ang usa ka kalibre 45 pistol, 2 ka magazines nga dunay 7 ka buhing bala ug motorsiklo.
Gidala pa sa kasundalohan sa Talacogon District Hospital si Mantipala apan gideklara kining Dead on Arrival sa attending physician.
Una ng nakabigit si Mantipala nga usa sa mga nipatay kang sa CAFGU Active Auxiliary (CAA) member nga si Felipe Amado sa Barangay Lydia, San Luis sa kahaponon sa May 30 diin off duty ang biktima nga nipartisipar sa Brigada Eskwela sa nasangpit nga hospital.
Nasuta nga si Mantipala Vice Commanding Officer sa Platoon Banglas, Guerilla Front 88 sa NPA’s North Eastern Mindanao Regional Committee. Positibo usab kini nga gitudlo sa witness hinungdan nga nagpahigayon ang militar ug kapulisan ug manhunt operations batok sa mga responsably.
Nalambigit usab si Mantipala sa pagpatay kang Rubencio Salamoren, Barangay Captain sa Brgy. San Pedro, San Luis.
Gitiro si Salamoren niadtong February 27, 2019 samtang nagbiyahe kini sakay sa iyang motorcycle sa Don Alejandro, San Luis.
