BUTUAN CITY – Gipanghimakak sa engineer nga natahasan isip road right of way agent sa flood control project sa Purok 11, Brgy Afga, Sibagat, Agusan del Sur nga si Engineer Mynard Cagmat ang pasangil kaniya nga gihulga matud pa niini ang residenteng si Marisa Iting, ug giahatagan og deadline sa pagbalhin og balay. Sigon ni Engr. Cagmat, dili niini makayang manghulga tungod kay nasayod siya kung unsa kalisod ang mawad-an og balay.
Pasabot sa Engineer atul sa pagduol niini ning sibyahan, gidangop na niya sa ilahang buhatan ang sintemento sa reklamante kansa ning hangyo nga unta, gamay lang nga bahin sa ilang panimalay ang maigo sa proyekto.
Kahinumduman nga ningduol ning sibyahan ang maong residente arun mangayo og tabang nga dili maguba ang ilang napundar nga balay tungod lang sa pagpamugos ni Engr Cagmat pagpahawa kanila gumikan sa gitukod nga dakong flood control projects sa maong lugar kansa dili matud pa mabahaan.
Apan hugot kining gilimod sa Engineer.
Gani gitabangan matud pa niini ang reklamante nga ma pailin-ilinan ang ilahang propriedad. Pasabot sa engineer, nasayod na ang maong residente mahitungod sa proyekto tungod kay usa man kini sa ning perma sa panawagan nga pabutangan og flood control ang atbang sa ilang balay.
Dugang niini nga gawas sa ayuda sa barangay, wala na silay mahatag sa mga apektado sa nasangpit nga proyekto tungod kay wala man usab silay proof of ownership sa yuta nga gitukoran sa ilahang balay.
Ang pamahayag ni Engineer Mynard Cagmat, road right of way agent sa flood control project sa Purok 11, Brgy Afga, Sibagat, Agusan del Sur.
Subay niini, wala usab miuyon ang kapitan sa nasangpit nga lugar sa ubang pamahayag sa naunang reklamante. Sumala ni Kapitan Arnel Abuzo nga taliwala pa man nga napingsan ra ang balay niini sa kasamtangan nga phase sa maong flood control, posibleng mahawa ra gihapon kini tungod kay anaa man kini sa danger zone natarok.
Gipanghimakak usab sa kapitan ang taho nga gamay lang ang sapa nga ilahang gibuhatan og flood control infrastructure tungod kay miabot matud pa kini sa eskwelahan, rason nga matag bundak sa ulan, modako kini.
Ang pamahayag ni Brgy Afga Kapitan Arnel Abuzo. Dugang pa niini nga dugay na usab niya gimay-mayan ang maong residente nga dili mapganindot sa ilang balay tungod kay sa ngadto-ngadto, tanggalon ra gihapon kini tungod kay na tarok man kini sa danger zone, dugangan pa nga dili kini ilahang yuta.
