BUTUAN CITY – Gipahigayon kagapong adlawa sa Tandag City, Surigao del Sur ang awarding sa Enhanced Comprehensive Local Integration Program kon E-CLIP Assistance ngadto sa 75 ka kanhe Rebelde sa pagpanguna sa Task Force Balik-Loob kauban ang probinsiyal nga kagamhanan.
Gitambongan ang aktibidad ni National Defense Undersecretary Reynaldo Mapagu isip dinapit nga bisita ug Speaker .
Ang 75 nga kanhe rebelled nga gilangkuban sa 63 ka mga lalaki ug 12 ka babaye, diin 38 sa mga niini ang lumads, nakadawat sa katibuk-ang 3-milyones 740-mil pesos nga financial assistance gikan sa Department of Interior and Local Government kon DILG.
Ang matag benipisyaryp makadawat sa Immediate Assistance nga mikantidad ug 15-mil pesos ug Financial Assistance nga 50-mil pesos.
Mitunol pa ang probinsiyal nga kagamhanan sa Surigao del Sur og 7-mil pesos sa matag usa samtang ang Department of Social Welfare and Development kon DSWD mihatag usab og 5-mil pesos.
Sa laing bahin, ang ubang miyembro sa Provincial E-CLIP Committee mi-apod-apod usab og in-kind assistance sa mga kanhe rebelled sama sa Hygiene Kits; Vegetable Seedlings; Assorted Food Packs; ug Philhealth Membership Certificates sulod sa usa ka tuig.
Gihatagan usba sila ug scholarship commitments sa TESDA sa Skills Training and Livelihood Program sa HEO: Rigid On Highway Dump Truck NC II, Shielded Metal Arc Welding (SMAW) NC II, Organic Agriculture Production NC II, Animal Production ( Swine) NC II ug Driving NC II. Kini ang resulta sa gilusad nga Profiling and Training-Needs-Analyis kon TNA atoll sa Pre E-CLIP Assistance Program nga gisalmotan sa TESDA Surigao del Sur niadtong Hunyo 12- 13, 2019 sa Headquarters, 36IB in Bgry Dayo-an, Tago, Surigao del Sur.
Alayon niini mas gihagit pa ni 1Lt Jonald Romorosa- Civil Military Operations kon CMO officer sa 36th Infantry ‘Valor’ Battalion, Philippine Army, ang uban pang rebelled nga mobalik na sa sabakan sa balaod.
