BUTUAN CITY – Usa ka talagsaon nga matang sa kalig-on ug gugma sa kinaiyahan ang gipakita sa 22-anyos nga aktibista sa kalikopan nga si Truphena Muthoni human niya nakab-ot ang Guinness World Record alang sa “longest marathon hugging a tree’.
Sulod sa 72 ka oras o tulo ka adlaw nga wala buhii, si Muthoni nagpabilin nga naggakos sa usa ka kahoy, nga milabaw sa miaging rekord nga sobra sa 50 ka oras nga gihuptan sa usa ka Ghanaian.
Kini ang ikaduhang higayon nga si Muthoni nakadaog sa titulo; niadtong 2025, nahimo niya kini sulod sa 48 ka oras.
Sumala sa batan-ong babaye, ang iyang nahimo dili lamang alang sa rekord apan usa ka simbolo sa ““endurance” ug “consistency.
Gusto niyang ipahinumdom sa kalibutan nga ang pagpanalipod sa kinaiyahan dili angay nga himuon sulod lang sa mubo nga panahon o “usa ka higayon nga panghitabo”, apan usa ka malahutayong responsibilidad nga nanginahanglan og dedikasyon ug sakripisyo.
