BUTUAN CITY – Nahalin sa kantidad nga $12.1 milyon kon bugti sa kapin 700-milyunes pisos ang usa ka toilet bowl nga adunay 18-karat gold sa gihimong auction sa Sotheby’s.
Ang toilet bowl nga gitawag og “America” buhat sa Italian artist nga si Maurizio Cattelan, kansa duna’y timbang nga 223-pounds ug mao na lang ang nabilin nga bersyon human gikawat ang usa niini sa Blenheim Palace niadtong 2019.
Una kining gipakita sa Guggenheim Museum diin kapin 100,000 ka tawo ang nakalinya aron masinati ang pinaka-luxurious nga bathroom break sa kasaysayan sa art.
Ang mipalit niini nga si Justin Sun, founder sa cryptocurrency platform nga TRON, nailhan usab sa iyang pagpalit sa sikat nga obra ni Cattelan nga “Comedian” kung diin usa kini ka saging nga gi-duct tape sa atop.
