BUTUAN CITY – Dako ang pagpasalamat sa usa ka ginang dinhi sa Bombo Radyo Butuan og sa driver sa de-pasayruang multicab nga nabalik kaniya ang cell phone og ang gikumprang grocery items kagahapon human nabilin sa maong sakyanan.
Una nang gihatud dinhi sa sibyahan sa multicab driver nga si Nelson Orias nga nagbiyahian sa ruta 10, ang maong mga grocery items nga balor usa ka libo ka pesos gawas sa karne nga nabaho na.
Sa iyang pag-claim, gibutyag ni Jovette de Guzman nga nagdahom siyang nadala sa iyang bana ang ilang mga pinalit dihang mikanaog kini aron magpalit og pan. Wala usab niya kini ma-alinggati tungod sa pagsige og hilak sa ilang anak.
Nasayran niya nga gi-turn over ning sibyahan ang maong mga butang dihang giteksan siya sa iyang iyaan og iyang inahan nga nakadungog sa pagsibya og siya mismo ang nakadungog usab niini.
Mi-claim siya sa ilang mga pinalit dihang nadunggan niya mismo nga ania na kini dinhi sa Bombo Radyo dungan sa pagpasalamat sa driver tungod sa sulundong gihimo niini. (Beth Ruiz)
