BUTUAN CITY – Mag-tige ang lima ka mga contingent gikan sa nagkalain-laing dapit ning rehiyon sa Caraga sa ipahigayong Grand Kahimunan festival karung Domingo, petsa 15 ning bulan, isip kabahin sa kapistahan ni Sr. Sto. Niño sa Barangay Libertad, Butuan City.
Sigon ni Barangay Libertad Kapitan Bernard Encarnado, naka-rehistro na ang lima ka mga contingent nga magpasikatay sa street dancing.
Mahimong aligre usab kini tungod sa mas dako nga gigahing pondo sa karun nga selebrasyon diin ang makasakmit sa First Prize, makadawat ug 200-mil pesos, samtang ang Second Prize dunay 170-mil pesos ug 140-mil pesos usab sa ikatulong puwesto.
Samtang all set na usab ang mga aktibidadis sa Barangay Libertad nga sugdan ugma sa gabii sa usa ka Talent Night.
Karung petsa 14 usab, o Biyernes, mahitabo ang Search for Mutya ng Libertad ug sa bisperas o karung Sabado, petsa 14, ipahigayon ang Singing Contest.
Tungod sa selebrasyon, nakig-koordina na ang Barangay Council ngadto sa Butuan City Police Station kon BCPS-3 alang sa ipatumang seguridad.
Motabang usab sa pagseguro sa kaluwasan ug kahapsay sa kalihukan ang mga Barangay Tanod ug Traffic Aids.
