BUTUAN CITY – Gipanghimakak ni Atty. Israeli Torreon ang gipasi-atab sa Philippine National Police nga misurender ang iyang kliyenteng si Kingdom of Jesus Christ kon KOJC founder Pastor Apollo Quiboloy tungod sa gipagawas nila nga ultimatum.
Sa eksklusibong pakighinabi sa Bombo Radyo Philippines, gipadayag sa abogado nga ang tinuod nga nahitabo, niadto pang Septembre 7, duna na’y taas nga opisyal sa gobyerno ang nag-text kaniya nga gihatagan na matud pa sila og go signal ni Senador Ronald ‘Bato’ de la Rosa nga magdala og armas sa ilang pagsuhid sa KOJC compound ug ang mubabag, ila matud pangdakpon.
Madumdumang una nang gibutyag sa tigpamaba sa Philippine National Police kon PNP nga si Police Colonel Jean Fajardo nga misurender sa Intelligence Service of the Armed Forces of the Philippines (ISAFP) si Quiboloy human gihatagan og ultimatum sa kapulisan nga kinahanglan kining musurender sulod sa 24-oras aron dili nila sudlon ang usa ka building sa KOJC compound diin wala sila tugiti nga makasulod.
Samtang giklaro ni Atty. Torreon nga wala’y kalabutan sa pagtahan sa pastor si kanhi Pangulong Rodrigo Duterte nga maoy gitudlo ni Quiboloy nga administrator sa kingdom nation.
