BUTUAN CITY – Gipildil sa Lebanon ang Gilas Pilipinas sa ilang dula kaganinang kaadlawon sa iskor nga 85 – 81 alang sa fourth window sa FIBA World Cup 2023 Asian Qualifiers nga gipahigayon sa Beirut, Lebanon.
Nanguna sa koponan sa Lebanon si Wael Arakji human mitala og 24 puntos samtang 17 puntos kang Amir Saoud.
Nasayang ang natalang 27 puntos ni Fil-Am cager Jordan Clarkson ug ang 18-puntos ni Dwight Ramos samtang mitala usab og 10-puntos si Kai Sotto uban sa duha ka block.
Unang mi-init ang Gilas Pilipinas diin milabaw pa sila og hangtud 10 puntos sa unang kwarter adiser mikamada ang Lebanon pinaagi sa ilang init nga shooting sa Three Point Area.
Nahimong kulba-hinam pa ang dula human nagtabla sa 75 ang iskor sa katapusang 2 minutos sa dula adiser napasulod ang lay-up og three points sa Lebanon.
Sunod nga maka-agbat sa Gilas Pilipinas ang Saudi Arabia karung Agosto 29 sa alas 7:00 sa gabii nga himuon dinhi sa Pilipinas.
