BUTUAN CITY -Giharian sa Gilas Girls ang Division B sa FIBA U16 Women’s Asian Championship 2023 human niini gipildi ang Iran sa Final kaganinang kaadlawon sa score nga 83-60 sa dula nga gipahigayon sa Jordan.
Naghi-usa sila Nevaeh Smith, Alyssia Palma, ug Sophia Canindo alang sa 11-0 run ngafmaoy naghatud sa 74-51 nga pagpanguna nila sa nahabiling 5-munto ug 17-segundo sa dula kansa igo na alang aron magmaya ang Pilipinas tungod kay hingpit na nilang nakuha ang promotion ngadto sa Division A alang sa sunod nila nga away sa tuig 2025.
Tam-is nga kalampusan kini alang kang Coach Pat Aquino ug sa U16 team human unang nakuwangan sa pagsakmit unta og ticket ngadto sa topflight level sa ilang pagsulay ning mi-aging tuig kondiin ang pagsugod nila ngadto sa maong torneyo, natapos lang sa semis.
