BUTUAN CITY – Pipila na ka mga sakyanang pandagat ang nagtago sa mga luwas nga lugar sa Surigao del Norte ug Dinagat Islands tungod sa bagyong Opong nga naka-trigger sa pagpa-ilalom sa signal number 1 sa Bucas Grande ug Siargao Islands ug sa Dinagat Islands province kagahapong adlawaa.
Kini human gikansela sa Philippine Coast Guard ang biyahe sa mga sakyanang pandagat gikan sa dakbayan sa Surigao padulong sa Cebu ug Southern Leyte, lakip usab padulong sa Dinagat Islands, Siargao, ug Bucas Grande Islands.
Sigon sa pahenanteng si Ervin Dionaldo, nagtago sila sukad pa kagahapon sa buntag sa temporary point sa lungsod sa San Jose sa Dinagat Islands province, samtang ang mga na-stranded nga pasahero, gipapa-uli una sa port management sa mga pantalan sa tulo ka isla.
Ang ubang mga gagmay’ng sakayang pandagat ingon man ang mga bangkang gigamit sa island-hopping, nagtago usab sa Brgy Wilson sa susamang lungsod.
Kasamtangang gipailawom na sa orange rainfall warning ang mga lalawigan sa Agusan del Norte ug Surigao del Norte tungod sa mga pag ulan nga dala sa bagyong Opong.
