BUTUAN CITY – Gi-anunsyyo sa bag-ong kalihim sa Department of Transportation kon DOTr nga si Sec. Giovanni Lopez nga mukunhod na ang presyo sa airline ticket padulong sa Siargao Islands.
Gihimo ni Lopez ang pamahayag atol sa budget deliberation sa House Committee on Appropriations sa nasangpit nga ahensya. Sumala ni Lopez, gikan sa presyong ₱17,000 nga one-way ticket mukunhod na kini ngadto sa ₱11,000 human sa ilang kasabutan sa Philippine Airlines.
Ang pamahayag ni DOTr Sec. Giovanni Lopez.
Una nang gihangyo ni Sec. Vince Dizon ang mga local carriers human ning-ani og reklamo ang kataas sa presyo sa pletihan padulong sa maong dapit nga moabot pa sa ₱30,000.
Samtang, gipasabot usab ni Atty. Carmelo Arcilla sa Civil Aeronautics Board nga tungod kay deregulated ang airline industry, mas mahal matud pa ang presyo sa ticket sa mas gamay nga carrier kumpara sa mas dako, tungod kay dili man niini ma-distribute ang airline cost.
