BUTUAN CITY – Pasakaan na og kasong paglapas sa Republic Act 7942 o mas nailang Philippine Mining Act of 1995 ang upat ka mga Chinese nationals, ug siyam ka mga Pinoy nga nasikop sa Criminal Investigation and Detection Group kon CIDG-Caraga tungod sa kalambigitan sa illegal nga pagmina.
Natigayon kini sa Purok 12 Bulong-Bulongan, Brgy. Bunawan Brooks, Agusan del Sur. Sumala sa ahensya nga gilangkuban ang upat nila ni alias Big Li, 58-anyos; alias Hua; 42 anyos; alias Vee, 43 anyos; ug alias Ting, 58 anyos.
Gihimo ang maong operasyon tungod sa taho nga pagmina nila og bulawan ug uban pang mga minerales bisan og wala’y insaktong dokumento gikan sa Mines and Geosciences Bureau (MGB).
Lakip sa mga nasikop nga mga Pilipino sila si alyas Campos, 21 anyos; Joseph, 34-anyos; Arnel, 38 anyos; Justine – 28 anyos; Willy – 42 anyos; Joel, 38-anyos; Fuentes – 19; Harold – 26; ug alias Juvy – 32 anyos, pulos mga taga-Agusan del Sur.
