BUTUAN CITY- Gikomperma ni Ombudsman Jesus Crispin “Boying” Remulla nga na-aprobahan na sa Anti-Money Laundering Council (AMLC) ang hangyo niini nga freeze order sa mga kabtangan ni kanhi House Speaker Martin Romualdez.
Sigon niini nga nadala na sa AMLC ang freeze order sa Court of Appeals.
Una na nga gibutyag sa AMLC nga nagpagawas na sila og freeze order sa usa ka magbabalaod tungod sa koneksyon niini sa anomalya sa flood control projects.
Sakop sa freeze order ang 25 ka bank accounts sa magbabalaod, 10 ka insurance policies nga nakarehistro sa pangalan niini, 27 ka bank accounts, 10 ka insurance policies ug investment account ubos sa pangalan ni Romualdez.
Lakip usab ang duha ka bank accounts, Pito ka property accounts ug real estate property nga nakarehistro ubos sa corporate entity.
Dugang pa ni Remulla nga adunay unom ka kaso nga adunay kalabotan sa flood control scandal ang ipasaka sunod simana.
